دەنگ نێت

 

بۆماوه‌ى 10 ساڵه‌ داواكراوه‌ فراوانكردن و چاكسازى بۆ پاڵاوگه‌كانى ئاوى كه‌لار بكرێت تاوه‌كو ئێستا نه‌كراوه‌، به‌ڕێوبه‌رى ئاوى كه‌لاریش ده‌ڵێت: گوژمه‌ى هه‌ردو پاڵاوگه‌كه‌ نزیكه‌ى 20 ملیۆن دۆلاره‌.

 

سامان ره‌حیم، به‌ڕێوبه‌رى به‌ڕێوبه‌رایه‌تى ئاوى كه‌لار بۆ رادیۆى ده‌نگ وتى: لە‌ ساڵى 2014ـه‌وه‌ چه‌ندینجار نوسراومان ئاراسته‌ى وه‌زاره‌ت كردوه‌ بۆ فراوانكردن و چاكسازى كردن له‌ هه‌ردو پاڵاوگه‌ى كه‌لار، كه‌چى تاوه‌كو ئێستا نه‌كراوه‌، له‌ كاتێكدا پلان و ده‌رخسته‌ى ئه‌و پاڵاوگانه‌ گه‌شتوه‌ته ‌وه‌زاره‌تیش.

 

وتیشى: ساڵى رابردو تیمێك له‌ ئه‌نجومه‌نى وه‌زیرانه‌وه‌ سه‌ردانیان كردین بۆ ئه‌وه‌ى پێویستیه‌كه‌ بۆ خۆیان بیبینن، به‌ڵام تاوه‌كو ئێستا به‌ شێوازێكى فه‌رمى و نوسراو هیچ وه‌ڵام نه‌دراوینەته‌وه‌، له‌كاتێكدا ئه‌م پرۆژه‌یه‌ ساڵانه‌ ده‌یخه‌ینه‌ پلانمانه‌وه‌.

 

باسى له‌وه‌شكرد: گوژمه‌ى پاڵاوگه‌ى یه‌كه‌م نزیكه‌ى 12 ملیۆن دۆلاره‌، هاوكات گوژمه‌ى پاڵاوگه‌ى دوه‌میش نزیكه‌ى 6 ملیۆن دۆلاره‌.