دەنگ نێت

 

ئەندامێکی لقى گه‌رمیانى یه‌كێتى مامۆستایان ده‌ڵێت: له‌ ئاینده‌یه‌كى نزیكدا زیاتر له‌ 650 یه‌كه‌ى پرۆژه‌ى به‌هەشتى كه‌لار "مامۆستایان" ‌ راده‌ستى بەشداربوان ده‌كرێت‌ به‌ سەرجەم پرۆژه‌ خزمه‌تگوزارییه‌كانیه‌وه‌.

 

كیفاح ئه‌حمەد، بۆ رادیۆى ده‌نگ باسى له‌وه‌كرد: له‌ ئاینده‌یه‌كى نزیكدا زیاتر له‌ 650 یه‌كه‌ى پرۆژه‌ى مامۆستایان راده‌ستى به‌شداربوان ده‌كرێت.

 

وتیشى: بۆ ئه‌و مه‌به‌سته‌ له‌گه‌ڵ كۆمپانیا و وه‌به‌رهێنان له‌ كارداین بۆ دروستكردنى لیژنه‌یه‌ك، بۆ ئه‌وه‌ى ئه‌و زۆنه‌ى كه‌ ته‌واو بوه‌ راده‌ستى مامۆستایان بكرێته‌وه‌، چونكه‌ پرۆژه‌كه‌ خۆى كراوه‌ به‌ 3 زۆرنه‌وه‌ له‌ ئێستادا زۆنى یه‌كه‌مى ته‌واو بوه‌ و 2 زۆنه‌كه‌ى دیكه‌شى تاوه‌كو كۆتاى 2024 ته‌واو ده‌بێت.

 

هێماى بۆ ئه‌وه‌شكرد: ئه‌و زۆنه‌ى كه‌ بڕیاره‌ راده‌ستى به‌شداربوان بكرێته‌وه‌ به‌ ته‌واوى پرۆژه‌ خزمه‌تگوزارییه‌كانى وه‌ك قوتابخانه‌ و بنكه‌ى ته‌ندروستى و بنكه‌ى ئاگركوژێنه‌وه‌ و بنكه‌ى پۆلیسه‌وه‌ راده‌ست ده‌كرێت.