دەنگ نێت

 

قوتابخانەی بانە کە تاکە قوتابخانەی حکومیی سنوری پەروەردەی کەلار بو دەوامی دەستپێکردبو، بایکۆتی دەوامی کرد، بەڕێوبەرەکەیشی دەڵێت: قوتابخانەکەمان تازەیە و بۆ رێکخستن ئەو ماوەیە کردمانەوە.

 

ئازاد حاتەم، بەڕێوبەری قوتابخانەی بانەی بنەڕەتی کە دەکەوێتە ناو پرۆژەی نیشتەجێبونی بان سیتییەوە لە کەلار، بە رادیۆی دەنگی وت: قوتابخانەکەی ئێمە ئەمساڵ دامەزراوە و تازەیە، بۆ ئەوەی بزانین چەند قوتابیمان هەیە و چەند میلاکمان دەبێت کە مامۆستا و فەرمانبەر، بۆ ماوەیەک قوتابخانەکەمان کردەوە.

 

وتیشی: کردنەوەی قوتابخانەکە تەنها بۆ ئەوە بو بیخەینە سەر سکە، چونکە ئێمە ئەمە یەکەم ساڵی خوێندنمانە تیایدا و وەک قوتابخانەکانی دیکە نین کە چەندین ساڵە دامەزراون، نەک ئەوەی خۆمان لە مامۆستایانی هاوپیشەمان کە بایکۆتیان کردوە جیابکەینەوە.

 

رەدیشیکردەوە لە کردنەوەی قوتابخانەکەیاندا هیچ فشارێکی حزبی و حکومییان لەسەر بوبێت یاخود هیچ ئیمتیاز و موچەیەکیان پێدرابێت.

 

بەڕێوبەری قوتابخانەی بانە، ئاماژەی بەوەشدا لەئێستادا کە کاروباری کارگێڕی قوتابخانەکەیان رێک بوەتەوە، بایکۆتی دەوامیان کردوە هاوشانی مامۆستایانی دیکە.