دەنگ نێت

 

دوای پێنج رۆژ مانەوە لە نەخۆشخانە، بەیانی ئەمڕۆ یەکێک لەو تۆمەتبارانەی کە لە کەلار لەگەڵ ئاسایش روبەڕوبونەوە، گیانی لەدەستدا.

 

بەوتەی سەرچاوەیەکی ئاگادار، گەنجەکە دانیشتوی گەرمیانە و ناوی رزگار جەلالە، لە روبەڕوبونەوەی هێزێکی ئاسایش لە کەلار فیشەکی بەرکەوتبو و بەسەختی بریندار بوبو.

 

دوانیوەڕۆی ٢٧ـی ١١ـی ٢٠٢٣، روبەڕوبونەوە لەنێوان هێزێکی ئاسایش و سێ تۆمەتباری بازرگانییکردن بە مادەی هۆشبەر لە نزیک قەڵای شێروانە لە کەلار دروستبو و سەرەنجام هەرسێکیان دەستگیرکران و یەکێکیشیان لە روبەڕوبونەوەکەدا بریندار بوە، ئەمەش بەپێی راگەیەنراوێکی دەزگای ئاسایشی هەرێم.

 

راگەیەنراوەکە هەروەها ئاماژەی بەوەکردوە:  دەستبەسەر زیاتر لە کیلۆیەک مادەی هۆشبەر لەجۆری کریستاڵ و حەشیشدا گیراوە کە بەو باندە بوە و ویستویانە بازرگانیی پێوەبکەن.