دەنگ نێت

 

یاریدەدەرێتی ئاسایشی کەلار دەکرێتە بەش لە دیوانی بەڕێوبەرایەتی ئاسایشی گەرمیان و ٥ یاریدەدرێتیی دەخرێتەسەر کە دوانیان بۆ ناوشاری کەلارن.

 

بەپێی زانیارییەکانی رادیۆی دەنگ، یاریدەدرێتی ئاسایشی کەلار نەماوە و کراوە بە بەش لە دیوانی بەڕێوبەرایەتی ئاسایشی گەرمیان و شوێنەکەیشی چوەتە ناو بینای بەڕێوبەرایەتی ئاسایشی گەرمیان.

 

هەر بەپێی زانیارییەکان، ناوشاری کەلار دابەش کراون بەسەر دو یاریدەدرێتی دا (شەهیدان و سیروان)، یەکێکیان ١٤ گەڕەک و ئەوەکەی تریان ١٦ گەڕەک لەخۆدەگرن و گرێدراون بە بەشی ئاسایشی کەلار، هەردو یاریدەدەرێتییەکەش هەر لە شوێنی پێشوی ئاسایشی کەلار دەوام دەکەن.

 

هاوکات ژمارەیەک لە بنکەکانی پێشوی ئاسایش کراون بە یاریدەرێتی لەنمونەی (رزگاریی، پێباز و قۆرەتو) و ئەوانیش خراونەتە سەر بەشی ئاسایشی کەلار.

 

هاوکات بەشی جوڵان کە پێشتر ئاسایشی گەرمیان و کەلار هەریەکە و بەشی خۆیان هەبو، ئێستا کراون بە یەک و سەر بە بەڕێوبەرایەتی ئاسایشی گەرمیانە.