دەنگ نێت
خوێندكارانى كۆلێژى پزیشكى زانكۆى گه‌رمیان بایكۆتیان شكاند و گه‌ڕانه‌وه هۆڵه‌كانى خوێندن، نوێنه‌رى ئه‌و خوێندكارانه‌ش ده‌ڵێت: له‌سه‌ر كۆمه‌ڵێك خاڵ رێكه‌وتوین و به ناچارى گه‌ڕاینه‌وه هۆڵه‌كانى خوێندن، چونكه هیچ كه‌سێك به ده‌م داواكارییه‌كانمانه‌وه نه‌هات.
توانا لەتیف، نوێنەری خوێندکارانی کۆلێژی پزیشکی زانکۆی گەرمیان، بەرادیۆی دەنگی وت: دواى خۆپیشاندانه‌كه‌ى دوێنێ یاریده‌ده‌رانى سه‌رۆكایه‌تى زانكۆ هاتنه ناو خۆپیشاندانه‌كه و داوایان كرد رێكه‌وتنێك بكرێت، ئه‌وه بو بۆ ماوه‌ى 4 كاتژمێر له كۆبونه‌وه‌دابوین له‌گه‌ڵیاندا و له‌سه‌ر كۆمه‌ڵێك خاڵ رێكه‌وتین.
وتیشى: یه‌كێك له‌و خاڵانه ئه‌وه‌بو رونكردنه‌وه بدرێت كه كرێى پارالێڵ له‌سه‌ر چ بنەمایەک دیارى ده‌كرێت، هاوكات ساڵنامه‌یه‌ك دیارى بكرێت به دڵى خوێندكاران بێت، له‌گه‌ڵ ئه‌وه‌شدا خوێندكاران له ئایندەدا ببرێنه سلێمانى بۆ هه‌ندێك وانه‌ى پراكتیكى.
رونیشیکردەوە؛ یه‌كێكى دیكه له خاڵه‌كان ئه‌وه‌یه سه‌رۆكایه‌تى زانكۆى گه‌رمیان نوسراو ئاراسته‌ى ته‌ندروستى گه‌رمیان بكات تاوه‌كو رێگربێت له‌وه‌ى خوێندكار له نه‌خۆشخانه‌كان ده‌ركرێن.
نوێنەری خوێندکارانی کۆلێژی پزیشکیی زانکۆی گەرمیان، جه‌ختى له‌وه‌شكرده‌وه: به ناچارى گه‌ڕاینه‌وه هۆڵه‌كانى خوێندن، چونكه 9 هه‌فته‌له‌سه‌ر شه‌قام بوین هیچ كه‌سێك به ده‌م داواكارییه‌كانمانه‌وه نه‌هات، له‌گه‌ڵ ئه‌وه‌شدا رێژه‌یه‌كى زۆرى خوێندنمان فه‌وتا.
ده‌شڵێت: پێداگرى ده‌كه‌ین له‌سه‌ر جێبه‌جێكرى ئه‌و خاڵانه‌ى كه رێكه‌وتوین له‌سه‌رى له‌گه‌ڵ چاره‌سه‌ركردنى كێشه‌كانى كۆلێژه‌كه‌ش، ئه‌گه‌ر جێبه‌جێى نه‌كه‌ن ئه‌وه ده‌ست به خۆپیشاندان ده‌كه‌ینه‌وه.
ئەمەش لەکاتێکدایە هەفتەی رابردو زانکۆی گەرمیان رایگەیاند؛ ئەنجومەنی وەزیرانی هەرێم رەزامەندی داوە بۆ گواستنەوەی راژەی ١٤ پزیشک لە بەڕێوبەرایەتی گشتی تەندروستی گەرمیانەوە بۆ سەر میلاکی زانکۆکە، کە بەوتەی خۆیان بەم رێگایەوە کێشەی کەمی میلاکی مامۆستا لە زانکۆکەدا چارەسەر دەبێت.
- دوایین بابەتەکان
-
هەواڵوتەبێژی ئەنجومەنی مامۆستایانی ناڕازیی گەرمیان: پشتگیریی مامۆستایانین و دەستپێشخەریی ناکەین لە ئەنجامدانی بایکۆت
-
-
راپۆرتتوانا خولیای باوباپیرانی زیندو دەکاتەوە
-
-
هەواڵبەڕێوبەرایەتی ئاوی ژێر زەوی گەرمیان: لێدانی بیر کەمیکردوە
-
-
هەواڵکۆمپانیای بەنداوی باوەنور کارگەی چەو و لمی داناوە و مادەکانی دەفرۆشێتەوە
-
-
هەواڵبۆ ئەوەی دەستەبەرییان بۆ نەکرێت خاوەنکارەکانی گەرمیان کرێکارەکانیان دەشارنەوە
-
زۆرترین بینراوەکان
