دەنگ نێت

 

دوای ئەوەی دانیشتوانى گه‌ڕه‌كى هێلان سیتى له‌ قه‌زاى كه‌لار بێزاریی خۆیان لە زۆری دوکەڵی‌ مۆلیده‌ى گه‌ڕە‌كه‌كه‌یان پیشاندا، قایمقامیه‌تى كه‌لار ده‌ڵێت: ئیجرائات ده‌كه‌ین.

 

دانیشتویەکی گه‌ڕه‌كى هێلان ستلیتى كه‌ ‌ به‌ (گوندى ئه‌ڵمانى) ناسراوه‌، چه‌ند وێنه‌یه‌كیان بۆ په‌یجى رادیۆى ده‌نگ نارد و تیایدا بێزاریی خۆیانی‌ له‌ مۆلیده‌ى گه‌ڕه‌كه‌كه‌یان پیشاندا بەوەی وەک‌ له‌ وێنه‌كاندا ده‌رده‌كه‌وێت دوكه‌ڵى زۆری هەیە.

 

له‌ به‌رامبه‌ردا، هه‌ردى سه‌ركه‌وت، به‌رپرسى راگه‌یاندنى قایمقامیه‌تى قه‌زاى كه‌لار، بۆ رادیۆى ده‌نگ وتى: هه‌ر مۆلیده‌یه‌ك له‌ سنورى كه‌لار دوكه‌ڵى زۆر و ناسروشتیی هه‌بێت به‌هه‌ر هۆكارێك، ئه‌وه‌ له‌لایەن لیژنه‌ى چاودێریی مۆلیده‌کانەوە لە دیوانی قایمقامیه‌تمان، سه‌ردان ده‌كه‌ن و ئاگادارى ده‌كه‌نه‌وه‌.

 

وتیشى: ئه‌گه‌ر پابه‌ند نه‌بێت، ئه‌وه‌ ئیجرائاتى له‌گه‌ڵ ده‌كرێت چ به‌ سزاى مادى بێت یاخود به‌ داخستن بێت.

 

ئاماژەی بەوەشدا بەدواداچونیش بۆ ئەو حاڵەتەی گەڕەکی هێلان سیتی دەکەن.