دەنگ نێت

 

به‌رپرسى پرۆژه‌كان له‌ شاره‌وانى كه‌لار ده‌ڵێت: شوێنى دوكانى گه‌نم فرۆشه‌كان له‌ نێو بازاڕى قه‌زاكه‌ ده‌كرێت به‌ باخچه‌.

 

ئەندازیار: دلێر حه‌سه‌ن، بۆ رادیۆى ده‌نگ وتى: به‌هۆى به‌رفراوانى ناوچه‌كه ‌لۆدێكى زۆر له‌سه‌ر شاره‌وانى كه‌لار هه‌یه‌ بۆ ئه‌نجامدانى پرۆژه‌ى تایبه‌ت به‌ باخچه‌ له‌ نێو قه‌زاكه‌دا.

 

وتیشى: یه‌كێك له‌و شوێنانى كه‌ زۆر ده‌مێكه‌ كارى له‌سه‌ر كراوه ‌بۆ ئه‌وه‌ى بكرێت به‌  باخچه‌، شوێنی دوكانى گه‌نم فرۆشه‌كانه‌ كه‌ بە گوێرەی ئەو نەخشەیەی دامانناوە ده‌كرێته‌ باخچه‌یه‌كى گه‌وره‌.

 

هێماى بۆ ئه‌وه‌شكرد: له‌گه‌ڵ ئه‌وه‌شدا پاركینگى تایبه‌ت به‌ راوه‌ستانى ئۆتۆمبێل دروست ده‌كرێت له‌ ژێرزه‌مینی باخچەکەدا، واتا لە ژێرزەمین دا گەراجی راوەستانی ئۆتۆمبیل و لە سەرەوەش باخچەیەکی بەرفراوان دەبێت.