دەنگ نێت

 

لەبه‌رامبه‌ر بینای كۆلێژى ته‌كنیكى كه‌لار پرۆژەیەکی نیشتەجێبون دروستدەکرێت، به‌ڕێوبه‌رى وه‌به‌رهێنانى گه‌رمیانیش ده‌ڵێت: پرۆژه‌كه‌ خۆى له‌ نزیكه‌ى 200 شوقه‌ ده‌بینێته‌وه‌ و پرۆژه‌یه‌كى بازرگانییە.

 

هونه‌ر مه‌حمود، به‌رێوبه‌رى گشتى وه‌به‌رهێنانى گه‌رمیان بۆ رادیۆى ده‌نگ وتى: ئه‌و زه‌وییه‌ى كه‌وتوه‌ته‌ به‌رامبه‌ر بینای كۆلێژى ته‌كنیكى كه‌لار، خۆى له‌ 3 دۆنم ده‌بینێته‌وه‌ و ده‌كرێت به‌ پرۆژەیەکی وەبەرهێنانی بیناسازیی لە جۆری شوقه‌.

 

وتیشى: پرۆژەکە له‌ 3 تاوه‌ردا خۆى ده‌بینێته‌وه‌ و 150 بۆ 200 شوقه‌ى تێدا دروست ده‌كرێت.

 

هێماى بۆ ئه‌وه‌شكرد: پرۆژه‌كه‌ پرۆژه‌یه‌كى بازرگانییە‌ به‌ ناوى (دڵى گه‌رمیان) و له‌لایه‌ن كۆمپانیاى 'هه‌وارى هێرۆ'ـوه‌ جێبه‌جێ ده‌كرێت.