دەنگ نێت

 

دوای ئەوەی بەیانی ئەمڕۆ تەرمی هاوڵاتیەک لەماڵەکەی خۆیدا لە کەلار دۆزرایەوە، پۆلیس دەڵێت: بەوتەی کەسوکارەکەی روداوەکە خۆکوژیی بوە و بە فەرمانی دادوەریش دو لە کوڕەکانی راگیراون.

 

سەرچاوەیەک لە پۆلیسی گەرمیان کە ئامادە نەبو ناوی بهێنرێت، بە رادیۆی دەنگی وت: کەسەکە کە ناوی (ج. ع)ـە و فەرمانبەر بوە لە نەخۆشخانەی گشتی کەلار، شوێنەواری فیشەکی تاپڕی پێوە بوە، بەڵام دیارنییە کە خۆی کوشتوە یان کوژراوە، لەوبارەوە لێکۆڵینەوە دەکرێت.

 

لایخۆشیەوە، وتەبێژی پۆلیسی گەرمیان- عەلی جەمال قەدوری، لەبارەی روداوەکەوە، بۆ رادیۆی دەنگی وت: بەوتەی کەسوکارەکەی، ئەو پیاوە ماوەیەکە توشی نەخۆشی بوە و خۆی کوشتوە.

 

وتیشی: پۆلیس دەستی بەلێکۆڵینەوە کردوە و پەڕاوی لێکۆڵینەوەی بۆ کراوەتەوە، بە بڕیاری دادوەریش دوان لە کوڕەکانی کە لەکاتی رداوەکە لەماڵ بون راگیراون و  بەپێی ماددەی  ٤۰٥ لێکۆڵینەوەیان لەگەڵ دەکرێت.

 

وتیشی: چاوەڕێی راپۆرتی پزیشکی دادوەریین لەسەر روداوەکە.