دەنگ نێت

 

بایکۆتی فەرمانبەران و پێنەدانی موچە کاریگەری کردوەتە سەر سودمەندبون لە داشکاندنی ١٥٪ـی قەرزی کارەبا، بەڕێوبەرایەتی کارەبای گەرمیان دەڵێت: تائێستا هاوڵاتیەکی کەم سودمەند بون لەداشکاندنەکە.

 

بە بڕیارێکی حکومەت، لەگەرمیاندا داشکاندنی ١٥٪ـی قەرزی کارەبا لە ٢٠ـی ئابەوە دەستیپێکردوە و بڕیارە تاوەکو ٢٠ـی تشرینی دوەمی ٢٠٢٣ بەردەوام دەبێت.

 

ئالان ئەرکان، وتەبێژی بەڕێوەبەرایەتی گشتی کارەبای گەرمیان، بە رادیۆی دەنگی راگەیاند: رێژەی سودمەند بون لەداشکاندنەکە بەرچاونیە و جیاوازیەکی ئەوتۆی نیە لەگەڵ مانگەکانی تر.

 

وتیشی: هۆکارەکەی ئەوەیە ماوەی مانگێکە فەرمانبەر دەوام ناکەن و موچەش نەدراوە، ئەمەش کاریگەریەکی زۆری کردوەتە سەر هاوڵاتیان و رێژەیەکی کەمیان دەتوانن سودمەندبن لەو داشکاندنە.