دەنگ نێت

 

پەروەردەی گەرمیان رونکردنەوە لەبارەی کێشەی کەمی ژمارەی کتێب بۆ ساڵی نوێ خوێندن دەدات و دەڵێت: زیاتر لە ملیۆنێک کتێبی نوێمان پێگەشتوە.

 

دارا ئەحمەد، بەڕێوبەری گشتی پەروەردەی گەرمیان، بە رادیۆی دەنگی وت: ئەمساڵ کێشەی کەمی کتێبمان نیە و ماوەی سێ مانگە کتێب دەهێنین، تەنها ژمارەیەکی زۆر کەم نەبێت ئەویش لەچاپخانە کێشەی بۆ دروست بوە و ماوەیەکی تر ئەوەش چارەسەر دەبێت و دەگاتە دەستمان. 

 

وتیشی: ئەو رێژە کەمەش لە کێشەی کەمی کتێب لە پۆلی دوانزەدا نیە و هەمویان کتێبیان وەرگرتوە. 

 

جەختی لەوەشکردەوە: بەپێی ژمارەی هەمو خوێندکارەکانی سنوری ئیدارەی گەرمیان کە 90 هەزار خوێندکار دەبن، کتێبمان هێناوە.