دەنگ نێت

 

خوێندکارانی کۆلێژی پزیشکی گەرمیان دەڵێن کەس بەدەم داواکارییەکانمانەوە نەهاتوە و سکاڵاشمان لەسەر وەزارەتی خوێندنی باڵا و وەزیرەکەی تۆمارکردوە.

 

خوێندکارانی کۆلێژی پزیشکی زانکۆی گەرمیان ژمارەیان نزیکەی 200 خوێندکارن و ماوەی دو ساڵە خۆپیشاندان ئەنجام دەدەن، بەهۆی کێشەیان لە نەبونی ستافی پێویستی وانەوتنەوە و نەخۆشخانەی فێرکاری، بەمهۆیەشەوە داوای داخستنی کۆلێژەکەیان دەکەن. 

 

توانا لەتیف، نوێنەری خوێندکارانی کۆلێژی پزیشکی زانکۆی گەرمیان، بەرادیۆی دەنگی وت: بڕیاری خۆمان داوەو ناچینەوە هۆڵەکانی خوێندن و سکاڵامان لەسەر وەزارەتی خوێندنی باڵا و وەزیریش تۆمارکردوە.

 

وتیشی: بەتەواوەتی پرۆسەی خوێندنی ئەمساڵ پەکدەخەین، چونکە هیچ وەڵامێکمان وەرنەگرتوەو نزیکەی دو هەفتەیە گردبونەوە ئەنجام دەدەین، بەڵام  هیچ لایەنێک نەهاتوە بەدەممانەوە.