دەنگ نێت 

 

وەزارەتی پەروەردەی هەرێم رایگەیاند نزیکەی 6 ملیۆن لیتر نەوت بۆ ناوەندەکانی خوێندنی حکومی لەسەرجەم بەڕێوەبەرایەتی گشتیی پەروەردەی پارێزگا و ئیدارە سەربەخۆکان دابیندەکرێت، کە بڕی ۱۹۰ هەزار لیتری بەر گەرمیان دەکەوێت. 

 

وەزارەتی پەروەردەی حکومەتی هەرێمی کوردستان رایگەیاند: بڕیاردرا بە دابینکردنی شەش ملیۆن و شەش سەد هەزار ( ٦،٦٠٠،٠٠٠) لیتر نەوت بۆ ناوەندەکانی خوێندنی حکومی لەسەرجەم بەڕێوەبەرایەتی گشتیی پەروەردەی پارێزگا و ئیدارە سەربەخۆکان. 

 

لایخۆشییەوە بەڕێوبەری گشتی پەروەردەی گەرمیان بەڕادیۆی دەنگی وت: ۱۹۰ هەزار لیتر لەو نەوتەی دابینکراوە، بەر گەرمیان دەکەوێت، خوێندنگەکانیش  بەپێی پۆل نەوتیان بەسەردا دەبەشدەکرێت کە بە نزیکەیی هەر پۆلێک ۱۰۰ لیتری بەردەکەوێت.  

 

دارا ئەحمەد، وتیشی: ئەو بڕە نەوتە هێشتا نەگەشتوە، بەڵام ئێمە لەئەمڕۆوە لیژنەمان پێکهێناوە، بۆ دابەشکردنیشی گرێبەست لەگەڵ کۆمپانیایەک دەکەین نەوتەکەمان بۆ دەهێنێت و لەڕێگەی لیژنەکەمانەوە دابەشیدەکەین بەسەر ناوەندەکانی خوێندندا.