دەنگ نێت

 

بەپێی ئامارێکی سەندیکای کرێکاران و پیشەوەرانی کوردستان لە سەرەتای ئەمساڵەوە تا ئێستا  10 کرێکار گیانیان لەدەستداوە، هەروەها نزیکەی 17 بریندار هەیە. 

 

ژمارەی گیانلەدەستدانی کرێکاران لە گەرمیان، لەچاو ساڵی پار زیادیکردوە، ساڵی پار 4 گیانلەدەستدان هەبوە، بەڵام ئەمساڵ بەرزبوەتەوە بۆ 10 گیانلەدەستدان. 

 

عەدنان محەمەد، سەرۆکی لقی گەرمیانی سەندیکای کرێکاران و پیشەوەرانی کوردستان، بۆ رادیۆی دەنگ وتی: ئەمساڵ 10 حاڵەتی گیانلەدەستدانمان هەبوە، کە پێنجیان دانیشتوی گەرمیان بون و پێنجیان ڕۆژهەڵاتیی و عەرەب بون، هەروەها نزیکەی 17 حاڵەتی برینداربون هەبوە.

 

وتیشی: ساڵی پار لەچاو ئەمساڵ ژمارەی گیانلەدەستدان کەمتربو، پارساڵ 4 کەس بون کە تەنها یەک کەسیان خەڵکی سنوری ئیدارەی گەرمیان بو.