دەنگ نێت

 

مامۆستایانی وانەبێژ لەگەڵ مامۆستایانی ناڕازیی کۆبونەوەیان ئەنجامدا بەمەبەستی بایکۆتکردنی هۆڵەکانی خوێندن، نوێنەرێکی مامۆستایانی وانەبێژیش دەڵێت: نەگەشتینە ئەنجام.

 

مەجید محەمەد، نوێنەری مامۆستایانی وانەبێژ لە کەلار، بۆ رادیۆی دەنگ و وتی: یەکێک لە داواکارییەکانمان بۆ ئەنجامدانی بایکۆت ئەوەبو دامەزراندنی مامۆستایانی وانەبێژ بەشێوەیەکی هەمیشەیی یاخود گرێبەست بکرێتە مەرجی شکاندنی بایکۆت، بەڵام مامۆستایانی هەمیشەیی نەچونە ژێر باری ئەم مەرجەوە و وتیان ئێمە ناتوانین گرنتی ئەوەبکەین، چونکە ئەگەر موچەی مانگی 7 و 8 بدرێت مامۆستایانی میلاک دەچنەوە هۆڵەکانی خوێندن.

 

نوێنەری مامۆستایانی وانەبێژ هۆکارێکی تری بایکۆت نەکردنیانی گەڕاندەوە بۆ دیارینەکردنی کاتی دەستپێکردنەوەی خوێندن و وتی: هێشتا لێمان دیارنیە کەی خوێندنی ئەمساڵ دەستپێدەکاتەوە، ئەگەری هەیە کاتی دەستپێکردنەوەی خوێندن بخرێتە سارەتای مانگی 10، ئەوکاتە دوبارە کۆبونەوە ئەنجام دەدەین بۆ ئەنجامدانی بایکۆت.