دەنگ نێت

 

ئەندامێكى ئه‌نجومه‌نى مامۆستایانى ناڕازیی له‌ گه‌رمیان ده‌ڵێت: ئەگەر  تاوه‌كو 13ـی مانگ موچەی هەردو مانگی حەوت و هەشت خەرج نەکرێت و پلە بەرزکردنەوە دەستپێنەکاتەوە، بایکۆتی دەوام دەکەن.

 

نه‌به‌رد ئه‌حمه‌د، بۆ رادیۆى ده‌نگ باسى له‌وه‌كرد: بۆ داواکردنی دەستبەجێی خەرجکردنی موچەی هەردو مانگی تەموز و ئاب و دەستپێکردنەوەی پلە بەرزکردنەوە، جگە لەوەی بایكۆتى دەوام لە ناوه‌نده‌كانی خوێندن ده‌كه‌ین، خۆپیشاندانیش دەکەین.

 

وتیشى: كۆمه‌ڵێک پلانی دیکەشمان هه‌یه‌، یه‌كێك له‌وانه‌ چونی‌ به‌شێكى مامۆستایانە بۆ‌ به‌غداد و ئەنجامدانی خۆپیشاندان له‌وێ.

 

هێماى بۆئه‌وه‌شكرد: هاوكات له‌ پلانماندایه‌ خێوەتی مانگرتن هه‌ڵبده‌ین.

 

ئەمەش لەکاتێکدایە موچەخۆرانی هەرێم موچەی دو مانگی رابردویان خەرج نەکراوە و بڕیارە هەفتەی داهاتوش دەوامی ناوەندەکانی خوێندن دەستپێبکات.