دەنگ نێت

 

 ۳٥ حاڵەتی سکچون داخل کراون لە نەخۆشخانەی شەهید خالید گەرمیانی لە کفری، بەڕێوبەری نەخۆشخانەکەش دەڵێت: بەهۆی وشکبونەوەوە ٥ نەخۆشمان ناردوە بۆ دەرەوەی قەزاکە.

 

بەپێی ئامارێکی نەخۆشخانەی گشتی شەهید خالید گەرمیانی لەقەزای کفری، تەنها لە ۲٤ کاتژمێری رابردودا ۳٥ حاڵەتی سکچون داخل بە نەخۆشخانەکە کراون، کە پێنجیان مەترسیدارە و توشی وشکبونەوە بون.

 

سامان سەرتیپ، بەڕێوبەری نەخۆشخانەی گشتی شەهید خالد گەرمیانی لە کفری، بە رادیۆی دەنگی راگەیاند: ٥ حاڵەتمان رەوانەی کەلار و سلێمانی کردوە، چونکە توشی وشکبونەوەیەکی زۆربون و کاریگەری لەسەر گورچیلەکانیان دروست بوە، کە ٤ حاڵەتیان بۆ کەلار و حاڵەتێکیش بۆ سلێمانی نێردراون.

 

وتیشی: تائێستا نازانین کە حاڵەتەکان بە گشتی کۆلێران یاخود نا.