ده‌نگ نێت

 

ئەندامێکی ئەنجومەنی پارێزگای سلێمانی دەڵێت: بۆ ئه‌وه‌ی رێكاره‌كانی به‌ قه‌زابونی ناحیه‌ی رزگاری ته‌واو بكه‌ین پێویستیمان به‌ نوسراوی ئیداره‌ی گه‌رمیانه‌، به‌ڵام ده‌ستی ده‌ستی و خاوه‌ خاوی پێوه‌ ده‌كه‌ن.

 

کەریم عەلی، بۆ رادیۆی دەنگ وتی: چاوەڕوانی گەیاندنی دۆسیەى به‌ قه‌زاكردنى ناحیه‌ى رزگارین لەلایه‌ن ئیدارەی گەرمیانه‌وه‌ بۆ ئەنجومەنی پارێزگا بۆئەوەی بچێتە کۆبونەوەی ئەنجومەنی پارێزگای سلێمانیەوە به‌مه‌به‌ستى دەنگدان له‌سه‌رى.

 

وتیشی: داواكارییه‌كه‌ لەئیدارەی گەرمیانە و تائێستا نەکراوە بە نوسراوێك بۆ ئەنجومەنی پارێزگا به‌مه‌به‌ستى ئه‌وه‌ى رێکارەکانی بۆبگیرێتەبەر و هه‌روه‌ها پێویستیمان به‌ نوسراوی ئیداره‌ی گه‌رمیانه‌، به‌ڵام ده‌ستی ده‌ستی و خاوه‌ خاوی (مماطله‌) پێوه‌ ده‌كه‌ن.

 

ئاماژەی بەوەشدا: "چەند هۆکارێک هەیە بۆ نه‌ناردنی نوسراوەکە، هۆکارێکیان مۆڵه‌توه‌رگرتنى سەرپەرشتیاری ئیدارەی گەرمیانە کە بەهۆی ناساغیەوە ، بەڵام هۆکاری تریش بونیان هەیە و جارێ کاتی نیە باسی بکەم لەکاتی خۆیدا دەیخەمەڕو".

 

له‌ماوه‌كانى رابردودا ژماره‌یه‌ك له‌ دانیشتوانى ناحیه‌ى رزگاری سه‌ر به‌ قه‌زاى كه‌لار، كه‌مپینێكیان بۆ به‌قه‌زاكردنى ناحیه‌كه‌یان ده‌ستپێكرد، به‌وپێیه‌ى ناحیه‌كه‌یان به‌رفراوان بوه‌ و ژماره‌ى دانیشتوانى زیاتر بوه‌.