دەنگ نێت

 

له‌ماوه‌ى 2 رۆژدا 2 قوتابخانه‌ له‌ شارى كه‌لار له‌لایه‌ن وه‌به‌رهێنانى گه‌رمیانه‌وه‌ راده‌ستى په‌روه‌رده‌ كراوه‌، به‌ڕێوبه‌رى په‌روه‌رده‌ى گه‌رمیانیش ده‌ڵێت: ئاماده‌كاریمان ده‌ستپێكردوه‌ و ئەمساڵ دەوامیان تێدا دەکرێت.

 

به‌ڕێوبه‌رایه‌تى گشتی وه‌به‌رهێنانى گه‌رمیان رایگه‌یاند هه‌ریه‌كه‌ له‌ قوتابخانه‌ى بان ستى و قوتباخانه‌ى شارى تابلۆ (كه‌لارى نوێ) خراوه‌ته‌ خزمه‌تى په‌روه‌رده‌ى گه‌رمیانه‌وه‌.

 

دارا ئه‌حمه‌د سه‌مین، به‌ڕێوبه‌رى گشتى به‌ڕێوبه‌رایه‌تى په‌روه‌رده‌ى گه‌رمیان، لەوبارەوە بۆ رادیۆى ده‌نگ باسى له‌وه‌كرد: ئه‌و 2 قوتابخانه‌یه‌ فه‌رمانى وه‌رگرتنمان بۆ ده‌ركردوه‌ و وه‌رمان گرتون، له‌ ئێستاشدا به‌ڕێوبه‌رى بۆ دانراوه‌، هاوكات ستافیشى بۆ دابین ده‌كه‌ین.

 

وتیشى: نوسراومان بۆ په‌روه‌رده‌ى كه‌لار كردوه‌ كه‌ ستافى بۆ پێكبهێنن و ده‌وامیشى تێدا بكرێت ئه‌مساڵ پلانیشمان بۆ داناوه‌.

 

له‌باره‌ى ئه‌وه‌ى ئه‌گه‌ر گرفتى میلاك هه‌بێت به‌ چى پڕده‌كرێته‌وه‌؟ به‌ڕێوبه‌رى په‌روه‌رده‌ى گه‌رمیان جه‌ختى له‌وه‌كرده‌وه‌: ئه‌گه‌ر گرفتى میلاكیش هه‌بێت ئه‌وه‌ به‌ گواستنه‌وه‌ى كاتى به‌ (ته‌نسیب) یان به‌وانه‌بێژان پڕى ده‌كه‌ینه‌وه‌.