دەنگ نێت

 

دواى ئه‌وه‌ى وه‌زیرى په‌روه‌رده‌ى هه‌رێم رایگه‌یاند 348 پۆلى نوێى خوێندن لە قوتابخانه‌کانی هەرێم دروست دەکرێن‌، به‌ڕێوبه‌رى په‌روه‌رده‌ى گه‌رمیان ده‌ڵێت: نازانین چەند لەو پۆلانە بۆ گەرمیان دەبن.

 

وەزیری پەروەردە لە ماوەکانی رابردودا رایگەیاند کە بە گوژمەی 6 ملیار دینار، 348 پۆلی نوێ لەنێو قوتابخانەکان لەسەرجەم پارێزگا و ئیدارە سەربەخۆکان دا دروست دەکەن.

 

لەبارەی ئەوەی چەند لەو پۆلانە لە گەرمیان دەبن، دارا ئه‌حمه‌د سه‌مین، به‌ڕێوبه‌رى گشتى په‌روه‌رده‌ى گه‌رمیان، بۆ رادیۆى ده‌نگ وتى: وه‌زاره‌ت خۆی خودی قوتابخانەکان‌ دیارییده‌كات كه‌ پێویستیان به‌ پۆله، بەڵام‌ له‌ ئێستادا هیچمان بۆنه‌هاتوه‌ کە چەند لەو پۆلانە لە گەرمیان دروست دەکرێن.

 

وتیشى: داوامان لێكراوه‌ ئامارێكیان پێبده‌ین له‌باره‌ى ئه‌و قوتابخانانه‌ى كه‌ پێویستیان به‌ پۆله‌، له‌ ئێستادا ئه‌ندازیاره‌كانمان خه‌ریكى داتاكردنى ئه‌و قوتابخانانەن‌ كه‌ پێویستیان به‌ پۆله‌.

 

جه‌ختى له‌وه‌شكرده‌وه‌: له‌ ئێستاشدا 36 پۆلمان بۆ دروست كراوه‌ له‌لایه‌ن ده‌زگاى خێرخوازى بارزانیه‌وه‌ كه‌ له‌ مانگى 9 دا راده‌ستمان ده‌كه‌نه‌وه‌.