دەنگ نێت

 

سەرۆکی زانکۆی پۆلیتەکنیکی گەرمیان دەڵێت: هەر فەرمانبەرێک ئەیەوێت لەسەرۆکایەتی زانکۆ لە کفری دەوام بکات ئێمە گواستنەوەی بۆ دەکەین، رونکردنەوەش لەسەر دامەزراندنی ۲۰۰ فەرمانبەری نوێ دەدات.

 

د.چیا محەمەد، سەرۆکی زانکۆی پۆلیتەکنیکی گەرمیان بە رادیۆی دەنگی راگەیاند: سەرۆکایەتی زانکۆ کۆمەڵێک بەڕێوبەرایەتی هەیە، پێویستی بە فەرمانبەرە، هەر فەرمانبەرێک ئەیەوێت لەسەرۆکایەتی زانکۆ لە کفری دەوام بکات ئێمە گواستنەوەی بۆ دەکەین و جگە لەوەش کوێژی کشتوکاڵی کفری کەسەر بەزانکۆی گەرمیانە، قسەیەک هەیە بخرێتە سەر ئەم زانکۆیە، بەڵام بڕیارەکەی دەرنەچوە هەرکات کرا کۆمەڵێک فەرمانبەری بۆ بگوازینەوە.

 

وتیشی: داوای دامەزراندنی ۲۰۰ فەرمانبەری دیکەمان کردوە نەک بۆ سەرۆکایەتیەکە بەتەنها، بەڵکو بۆ کەلار و کفریش، بەڵام تائێستا وەڵاممان نەدراوەتەوە.