ده‌نگ نێت

 

بۆماوه‌ى زیاتر له‌ ساڵێكه‌ قه‌ڵاى شێروانه‌ بێ پاسه‌وان ماوه‌ته‌وه‌ و به‌ڕێوبه‌رى شوێنه‌وارى گه‌رمیانیش ده‌ڵێت: چه‌ندین جار به‌ نوسراوى فه‌رمى داوامان كردوه‌ به‌ڵام تاوه‌كو ئێستا بۆمان دابین نه‌كراوه‌.

 

ساڵح محه‌مه‌د سه‌مین، به‌ڕێوبه‌رى شوێنه‌وارى گه‌رمیان له‌مباره‌یه‌وه‌ بۆ رادیۆى ده‌نگ وتى: "بۆ ماوه‌ى نزیكه‌ى 1 ساڵ و نیوه‌ قه‌ڵاى شێروانه‌ بێ پاسه‌وان ماوه‌ته‌وه‌ و بۆى دابین نه‌كراوه‌، له‌ كاتێكدا پێتر له‌لایه‌ن به‌ڕێوبه‌رایه‌تى پۆلیسه‌وه‌ ده‌پارێزرا، وه‌ك به‌ڕێوبه‌رایه‌تیشمان 1 پاسه‌وانمان هه‌یه‌ ئه‌ویش مه‌ده‌نیه‌".

 

وتیشى: به‌ نوسراوى فه‌رمى چه‌ندین جار داوامان كردوه‌ له‌ ئیداره‌ى گه‌رمیان و به‌ڕێوبه‌رایه‌تى پۆلیسى گه‌رمیان له‌ وه‌ڵامدا پێمان راگه‌یه‌ندراوه‌ به‌هۆى كه‌مى میلاكه‌وه‌ ناتوانن بۆمان دابین بكه‌ن.

 

هێماى بۆ ئه‌وه‌شكرد: ئه‌مساڵیش دیسان به‌ نوسراوى فه‌رمى داوامان كردوه‌ته‌وه‌ و به‌ڕێوبه‌رایه‌تى پۆلیسیش ئاراسته‌ى وه‌زاره‌تى خۆیان كردوه‌ به‌مه‌به‌ستى زیادكردنى میلاك بۆ ئه‌وه‌ى بتوانن بۆمان دابین بكه‌ن.