دەنگ نێت

 

دواى 5 ساڵ له‌ ده‌رچونى فه‌رمانى پێدانى زه‌وى به‌ ئه‌و كه‌سانه‌ى كه‌ له‌ پرۆسه‌ى ئه‌نفال رزگاربون له‌ ناحیه‌ى رزگارى، له‌ ئێستادا مامه‌ڵه‌ى تۆماركردنى ئه‌و زه‌ویانه‌ گه‌ڕاوه‌ته‌وه‌ و لێپرسراوى راگه‌یاندن و په‌یوه‌ندیه‌كانى ئیداره‌ى گه‌رمیانیش ده‌ڵێت: 843 پارچه‌ زه‌ویه‌ و 427 هاوڵاتى سودمه‌ند بون.

 

چومان ئه‌حمه‌د، لێپرسراوى راگه‌یاندن و په‌یوه‌ندیەكانى ئیداره‌ى گه‌رمیان، بۆ رادیۆى ده‌نگ وتى: له‌ ساڵى 2018 به‌ فه‌رمانى ئه‌نجومه‌نى وه‌زیران فه‌رمانى ده‌رچوه‌ و له‌ ساڵى 2019 تیروپشكى بۆ كراوه‌، له‌ ئێستاشدا فه‌رمانى تۆماركردنى گه‌ڕاوه‌ته‌وه‌ و ئه‌و هاوڵاتیانه‌ ده‌توانن زه‌ویه‌كانیان تۆمار بكه‌ن به‌ ناویانه‌وه‌.

 

وتیشى: ئه‌و زه‌ویانه‌ 843 پارچه‌ زه‌ویه‌ و 427 هاوڵاتیش سودمه‌ند بوه‌.

 

جه‌ختى له‌وه‌شكرده‌وه‌: شوێنیشیان بۆ دیارى كراوه‌ و ژماره‌ى زه‌ویشیان پێدراوه‌.