دەنگ نێت

 

ئێوارەی ئەمڕۆ پیشەوەرێکی ناوچەی پیشەسازی کەلار، بەهۆی بەرکەوتنی فیشەکەوە گیانی لەدەستدا.

 

رزگار لەتیف، جێگری بەڕێوبەری نەخوشخانەی فریاکەوتنی کەلار، بە رادیۆی دەنگی وت: حاڵەتەکە گەشتۆتەلامان، بەڵام چونکە بەفیشەک بریندار کراوە، دەستبەجێ گیانی لەدەستداوە و تەرمەکەی نێردراوەتە پزیشکی دادوەری.

 

بەپێی زانیارییەکان کەسەکە پیشەوەری ناوچەی پیشەسازی بوە و لەدایکبوی ساڵی 1974 بوە.

 

بە وتەی مقەدەم: یاسین محەمەد، لێپرسراوی بنکەی پۆلیسی کەلاری کۆن، کەسە کوژراوەکە ناوی (نەوزاد ئەحمەد محەمەد)ـە و ٣ فیشەکی لێدراوە.

 

پۆلیسی گەرمیانیش لە راگەینراوێکدا لەبارەی روداوەکەوە دەڵێت: تاوانەکە لەلایەن کەسێکی نەناسراوەوە ئەنجام دراوە و "گەڕان بەدوای ناسنامەی تۆمەتبارەکە دەستی پێکردوە".