دەنگ نێت

 

پارەی مامۆستایانی چاودێری سەر هۆڵەکانی تاقیکردنەوەی خوێندنی وەرزی پێشو هێشتا نەدراوە، بەڕێوبەری گشتی پەروەردەی گەرمیانیش دەڵێت: بانک ناتوانێت خەرجی بکات.

 

تاوەکو ئێستا پارەی مامۆستایانی چاودێری هۆڵەکانی تاقیکردنەوەی خولی یەکەم و دوەمی وەرزی رابردوی (٢٠٢١-٢٠٢٢) پەروەردە لە گەرمیان خەرج نەکراوە، نزیکەی ٤٠ رۆژیشە وەزارەتی دارایی رەزامەندی لەسەر خەرجکردنی داوە.

 

دارا ئەحمەد، بەڕێو بەری گشتی پەروەردەی گەرمیان، بە رادیۆی دەنگی وت: لەلایەن خودی وەزارەتی داراییەوە رەزامەندیدان بەخەرجکردنی دواکەوتوە، بەڵکو ئەمە ماوەی ٤٠ رۆژە بڕیاری رەزامەندییەکە دەرچوە و فەرمانکراوە بەخەرجکردنی.

 

ئەوەشی خستەڕو: لە ئێستادا پارەکە کراوەتە چەک، بەڵام بانکی گەرمیان بە بیانوی نەبونی پارەی نەختینەوە ناتوانێت خەرجی بکات.