دەنگ نێت

 

پاش نزیکەی مانگێک لە راگرتنی پرۆسەی دابەشکردنی زەوی بەسەر دانیشتوانی 'لیواڕەشەکە'، سەرۆکی شارەوانی کەلار دەڵیت لیژنەیەکەمان پێکهێناوە و دوبارە دەستمان بەکارەکانمان کردوەتەوە.

 

لە ماوەی پێشوتردا پرۆسەی قەرەبوکردنەوەی دانیشتوانی لیواڕەشەکەی کەلار بە پارچە زەوی، راگیرا، ئەمەش بەهۆی سکاڵا و گازندەی هەندێک لە هاوڵاتیان لە پرۆسەکە و ئەگەری سودمەندبونی ناشایستەی هەندێک کەس.

 

لایخۆشیەوە سەرۆکی شارەوانی کەلار، دوبارە دەستپێکردنەوەی پرۆسەکەی راگەیاند.

 

ئەکرەم ساڵح، بۆ رادیۆی دەنگ وتی: لیژنەیەکی تایبەتمان لەسەر ئەو بابەتە پێکهێناوە، هاوکات لەگەڵ داواکاری گشتی گفتوگۆی ئەو حاڵاتانەمان کردوە کە کێشەیان لەسەر بوە.

 

ئەوەشی خستەڕو: لیژنەکە دەستیان بەکارەکانیان کردوەتەوە لە پێداچونەوە بەسکاڵاکان و دابەشکردنەوەی زەویەکانیش بەمەبەستی قەرەبو.

 

دانیشتوانی ئه‌و گه‌ڕه‌كه‌ كه‌ له‌ بنه‌ڕه‌ته‌وه‌ "تجاوز" زیاده‌ڕۆیه‌، نزیکەی ١٦٠ ماڵن و بەشێکی زۆریان قه‌ره‌بو کراونەتەوە و نزیکەی ٣٠ ماڵیان ماوەته‌وه‌ قەرەبو بکرێنەوە.