دەنگ نێت

 

2 ملیۆن لیتر ‌نه‌وتى سپى بۆ سنوری پارێزگای سلێمانی بە گەرمیانیشەوە هاتوە، بەڵام هێشتا دابەش نەکراوە، به‌ڕێوبه‌رى نه‌وت و كانزاكانى گه‌رمیانیش ده‌ڵێت: چاوەڕێی هاتنی وەجبەیەکی تری نەوتین بۆ ئەوەی پێکەوە دابەشی بکەین.

 

یادگار فه‌تاح، به‌ڕێوبه‌رى به‌ڕێوبه‌رایه‌تى نه‌وت و كانزاكانى گه‌رمیان، بۆ رادیۆى ده‌نگ وتى: بڕى زیاتر له‌ 2 ملیۆن لیتر نه‌وت هاتوه‌ بۆ سنورى پارێزگاى سلێمانی و هه‌ڵه‌بجه‌ و ئیداره‌ى گه‌رمیان و راپه‌ڕین، گفتوگۆمان كردوه‌ له‌سه‌ر ئه‌وه‌ى بیكه‌ین به‌ 3 ملیۆن لیتر ئه‌وكات ده‌ست به‌دابه‌شكردنى بكه‌ین.

 

وتیشى: بۆ هه‌ر به‌رمیلێك 103 هه‌زار دینار وه‌رده‌گرێت له‌ هاوڵاتیان كه‌ دیاریكراوه‌. 

 

لەبارەی ئەوەی نەوتەکە بەسەر کێ دا دابەش دەکرێت، هێماى بۆ ئه‌وه‌کرد: پارساڵ له‌كوێدا وه‌ستاوین لە دابەشکردنی نەوت، ئەمساڵ له‌وێوه‌ ده‌ست پێده‌كه‌ینه‌وه‌ و ئه‌و هاوڵاتیانه‌ى کە پێشتر سودمه‌ند نه‌بون، ئەمجارە سودمه‌ند ده‌بن.