دەنگ نێت
یەکێک لەو دوکاندارانەی کەلار کە بەهۆی گەراجی سەر جادەکانەوە سکاڵای لەسەر تۆمارکراوە ده‌ڵێت: ناكرێت بەردەم ماڵ خۆت بێت و بیدەنەوە پێت بەکرێ، سەرۆکی شارەوانیش دەڵێت: لەم هەفتەیەدا بڕیار لەو بابەتە دەدەین.
رۆژى پێنجشه‌مه رادیۆی ده‌نگ هه‌واڵێكی بڵاوكرده‌وه 33 دوکانداری بازاڕی کەلار لە نزیک پارکی دایک، لەلایەن هاوڵاتییەکەوە کە گەراجی سەر جادەکانی بە کرێ لە شارەوانی وەرگرتوە، سکاڵایان لەسەر تۆمارکرابو، بەوهۆیەوە راگیراون (توقیف کراون) و دواتر بە کەفالەت ئازادکراون.
دیار تارق، دوكاندار له بازاری شاری كه‌لار یه‌كێك له‌وانه‌ی سكاڵای له‌سه‌ر تۆمار كراوه، بۆ رادیۆی ده‌نگ وتی: “من مانگی 500 هەزار کرێ دوکان دەدەم و رۆژی چوار پێنج هەزار بدەمە گەراج؟ ئه‌مه كه‌ی ره‌وایه؟”
وتیشی: خۆی شه‌قامه‌كه لایه‌كیان داوه به‌كرێ و ده‌یانه‌وێت به‌رده‌م دوكانه‌كانیش بده‌ن به‌كرێ، باشه ئیتر خه‌ڵك له كوێوه هاتوچۆ بكات؟
باسی له‌وه‌شكرد كه چاوه‌ڕوانی کۆبونەوەی شارەوانی كه‌لارین كه بزانین ئەنجامی چی دەبێت.
هاوكات ئه‌كره‌م ساڵح، سه‌رۆكی شاره‌وانی كه‌لار، بۆ رادیۆی ده‌نگ وتی: له‌م هه‌فته‌یەدا كۆبونه‌وه‌یه‌ك ئه‌كه‌ین له قائیمقامیه‌تی كه‌لار بۆ ئه‌وه‌ی بڕیاری ئه‌وه بده‌ین به‌رده‌م دوكانه‌كان هیڵكاری بكه‌ین و بیده‌ینه كرێ یاخود به پێچه‌وانه‌وه.
- دوایین بابەتەکان
-
هەواڵبەڕێوبەرایەتی کارەبای گەرمیان: رۆژانە 12-13 سەعات کارەبای نیشتمانی دەدەین
-
-
هەواڵلەگەرمیان ژمارەیەک راوچی پۆلیسێک بریندار دەکەن
-
-
هەواڵپۆلیسی گەرمیان: ئەو کەسەی کە وترا خۆی کوشتوە، کوژراوە و خۆی نەکوشتوە
-
-
هەواڵبه بڕیاری داواكارى گشتى رێگه‌نادرێت شاره‌وانى كفری زه‌وی بفرۆشێت
-
-
هەواڵشارهوانى رزگاریی: رێژه‌ى سه‌وزایی له ناحیه‌كه‌مان 11%ـه و دۆخی سه‌وزاییش به‌ره‌وپێشچوه
-
زۆرترین بینراوەکان
