دەنگ نێت

 

بڕیاربو ئەمڕۆ کارکردن بە سیستەمی پێدانی مۆڵەتی شۆفێری بەشێوەی نوێ و ئەلیکترۆنی لەگەرمیان دەستپێبکات، بەڵام دواکەوت بۆ هەفتەی داهاتو و بەرپرسی بەشی مۆڵەتی هاتوچۆش هۆکارەکەی دەگەڕێنێتەوە بۆ بابەتێکی کۆمەڵایەتی.

 

 بڕیاربو ئەمڕۆ دوشەممە سیستەمی پێدانی مۆڵەتی شۆفێری ئەلیکترۆنی لەگەرمیان کارا بکرێت، ئەمەش دوای ئەوەی کە لە پارێزگای سلێمانی و هەولێر کارا کراوە.

 

لێپرسراوی بەشی مۆڵەت لە هاتوچۆی گەرمیان، رائید: دانا هیدایەت، جەختی لە دواکەوتنی ئەو بابەتە کردوە و بۆ رادیۆی دەنگ وتی: بەهۆی کۆچی دوای دایکی سەرپەرشتیاری ئیدارەی گەرمیانەوە کردنەوە و کاراکردنی سیستەمەکە دواخراوە.

 

بەوتەی خۆیشی ویسترابو ئەمڕۆ بە ئامادەبونی سەرپەرشتیار و بەرپرسانی دیکە، سیستەمەکە بە فەرمی کارا بکرێت و مەراسیمی بەکارخستنی بکرێت، بەڵام دواخراوە بۆ هەفتەی داهاتو.