دەنگ نێت

 

خاوه‌نى پێشانگایەکی ئۆتۆمبێل لە کەلار ئاماژە بەوەدەکات بەرزبونەوەی نرخی ‌دۆلار كاریگه‌رى زۆرى كردوه‌ته‌ سه‌ر کارکردنیان و بازاڕی فرۆشتنی لە جوڵە خستوە.

 

کۆژیر عەتا، خاوەنی  پێشانگای ئامان بۆ فرۆشتنی ئۆتۆمبیل له‌ كه‌لار، له‌مباره‌یه‌وه‌ بۆ رادیۆى ده‌نگ وتى: به‌رزى دۆلار كاریگه‌رى زۆرى كردوه‌ته‌ سه‌رمان، بەشێوەیەک لەئێستادا خواستى فرۆشتنى ئۆتۆمبێل لەلای هاوڵاتیان زیاترە وه‌ك له‌ كڕین. 

 

باسی لەوەشکرد ئەم دۆخە کاریگەریی هەبوە لەسەر ئیشوکاریان، بەتایبەتی ساڵانە ٧٠-٧٥ ملیۆن باج بە حکومەت دەدەن.

 

رونیکردەوە: بۆ ئه‌نجامدانى هه‌ر گرێبه‌ستێكی کڕینی ئۆتۆمبێل بڕى ٢٠ هه‌زار دینار وه‌رده‌گرین، له‌ ئێستادا بەوهۆیەی كڕین و فرۆشتن كه‌مى كردوه‌، ئه‌نجامدانى گرێبه‌سته‌كانیش كه‌م بوه‌ته‌وه‌.