دەنگ نێت

 

به‌ڕێوبه‌رى وه‌به‌رهێنانى گه‌رمیان ده‌ڵێت: بەهۆی ئۆفەرێک بۆ داشکاندنی نرخەکان، خواست لەسەر پرۆژه‌ى نیشته‌جێبونى ده‌روازه‌ى كفرى زیادیکردوە و له‌ ئێستادا 400 یه‌كه‌ى له‌ قۆناغى دروست كردندایه‌. 

 

هونه‌ر مه‌حمود، به‌ڕێوبه‌رى گشتى به‌ڕێوبه‌رایه‌تى وه‌به‌رهێنانى گه‌رمیان،‌ به‌ رادیۆى ده‌نگى راگه‌یاند: پرۆژه‌ى نیشته‌جێبونى ده‌روازه‌ى كفرى هه‌مو رێكاره‌كانى ته‌واو بوه‌ و كۆمپانیاش ده‌ست به‌كار بوه‌.

 

وتیشى: له‌ ئێستادابه‌هۆى ئه‌و داشكاندنه‌ى كه‌ كۆمپانیاى جێبه‌جێكار كردویه‌تى به‌ 5 هه‌زار دۆلار، بەده‌مه‌وه‌ هاتنى باش هه‌یه‌ بۆ كڕینی یه‌كه‌كان، به‌جۆرێك 400 یه‌كه‌ى كارى تێدا ده‌كرێت‌. 

 

جه‌ختى له‌وه‌شكرده‌وه‌: سه‌ربارى داشكاندنه‌كه‌ى، كۆمپانیاى جێبه‌جێكار له‌ كاتى نرخاندنى پرۆژه‌كه‌شدا وه‌ك وه‌به‌رهێنان 6 ملیۆن دۆلارمان داشكان كه‌ هه‌ر یه‌كه‌یه‌ك 6 هه‌زار دۆلارى لێشكاوه‌.

 

پرۆژەکەی یەکەی نیشتەجێبونی دەروازەی کفری خۆى له‌ هه‌زار یه‌كه‌ ده‌بینێته‌وه‌ له‌سه‌ر نزیكه‌ى 180 دۆنم زه‌وى دروست ده‌كرێت و لەلایەن کۆمپانیانی خاکی عەفرینەوە جێبەجێ دەکرێت و نرخی هەر یەکەیەکی لە ٤٥٠٠٠ دۆلارەوە (٤٥٠ گەڵا) دەستپیێدەکات.