ده‌نگ نێت
پرۆژه‌ى شارى پیشه‌سازى گه‌رمیان به رێنماییه‌كى ده‌سته‌ى وه‌به‌رهێنان كاره‌كانى راگیراوه، به‌ڕێوبه‌رى وه‌به‌رهێنانى گه‌رمیانیش ده‌ڵێت: به‌پێی رێنماییه‌كه ده‌بێت كۆمپانیا له %1ـى كۆى گوژمه‌ى پرۆژه‌كه بخرێته سه‌ر حساب بانكیه‌ك وه‌ك داهات.
هونه‌ر مه‌حمود، به‌ڕێوبه‌رى گشتى وه‌به‌رهێنانى گه‌رمیان، بۆ رادیۆى ده‌نگ وتى: پرۆژه‌ى شارى پیشه‌سازى گه‌رمیان كه له نێوان ناحیه‌ى رزگاى و قه‌زاى كه‌لار دروست ده‌كرێت، له‌سه‌ر روبه‌رى 2 هه‌زار و 500 دۆنم زه‌ویه، هه‌مو رێكاره‌كانى ئه‌م پرۆژه‌یه ته‌واو بوه و زه‌ویشى بۆ ته‌رخان كراوه.
وتیشى: دیزانى پرۆژه‌كه‌مان لایه ئه‌گه‌ر به‌هه‌مو خزمه‌تگوزارییه‌كانیه‌وه كه پێویستن ته‌واو بكرێت ئه‌وه گوژمه‌ى پرۆژه‌كه باى 270 ملیۆن دۆلاره.
هێماى بۆ ئه‌وه‌شكرد: له رێگه‌ى ئیداره‌ى گه‌رمیانه‌وه ته‌نده‌رینى بۆ كراوه بۆ كۆمپانیایه‌ك ده‌رچوه به ناوى كوردستان، به‌ڵام رێنماییه‌كى ده‌سته‌ى وه‌به‌رهێنان كه له ئه‌نجومه‌نى وه‌زیرانه پرۆژه‌كه‌ى راگرتوه له ئێستادا، رێنماییه‌كه‌ش ئه‌وه‌یه كه ده‌بێت پێش ده‌ستپێكى پرۆژه‌كه له %1ـى كۆى گوژمه‌ى پرۆژه‌كه بخرێته سه‌ر حساب بانكیه‌ك به كاش كه ده‌كاته 3 ملیۆن دۆلار.
جه‌ختى له‌وه‌شكرده‌وه: له ئێستادا به‌رنامه‌یه‌ك هه‌یه وه‌ك پشتیوانییه‌ك له كه‌رتى پیشه‌سازى ئه‌یانه‌وێت ئه‌و له %1ـه له پرۆژه‌كانى كه‌رتى كشتوكاڵ و پیشه‌سازى وه‌رنه‌گرن.
- دوایین بابەتەکان
-
هەواڵتەندروستی گەرمیان: لیژنەیەکی تایبەتمان بۆ چاودێریی سەنتەرەکانی جوانکاریی و کلینکەکان پێکهێناوە
-
-
یەکەی چاودێریراپۆرتێك له‌باره‌ى خزمه‌تگوزارییه بنه‌ڕه‌تییه‌كان له فه‌رمانگه‌كانى گه‌رمیان
-
-
هەواڵوتەبێژی ئەنجومەنی مامۆستایانی ناڕازیی گەرمیان: پشتگیریی مامۆستایانین و دەستپێشخەریی ناکەین لە ئەنجامدانی بایکۆت
-
-
راپۆرتتوانا خولیای باوباپیرانی زیندو دەکاتەوە
-
-
هەواڵبەڕێوبەرایەتی ئاوی ژێر زەوی گەرمیان: لێدانی بیر کەمیکردوە
-
زۆرترین بینراوەکان
