دەنگ نێت
پارلەمانتارێک ئاشکرای دەکات رێکارەکانی پشکنینی روفاتی ١٧١ ئەنفالکراو لە بەغدا هێشتا تەواو نەبوە و ٣ ساڵە لە پزیشکی دادیی بەغدان، حکومەتی عێراق و نوێنەرانی کورد و وەزارەتی شەهیدان بە بەرپرس دەزانێت.
شوان محەمەد (شوان کەلاری)، ئەندامی ئەنجومەنی نوێنەرانی عێراق لە لیستی پارتی، لە راگەیەنراوێکدا دەڵێت: "١٧١ ڕوفاتی پیرۆزی شەھیدانی ئەنفال ئەوە ماوەی زیاتر لە سێ ساڵە لە طب عەدلی بەغدایە و ناگەڕێندرێنەوە بۆ کوردستان، ھۆکاری نەگەڕانەوەکەش پشکنینی تەواوی DNA بۆ ڕوفاتەکان و بۆ کەس و کاری ئەو ڕوفاتانە نەکراوە".
لەمڕوەشەوە پزیشکی دادیی بەغدا بە کەمتەرخەم دەزانێت و پێیوایە بە ئەرکی خۆی ھەڵنەساوە، هەروەک نوێنەرانی کورد لە بەغدا و وەزارەتی شەھیدان و بەڕێوەبەرایەتی گۆڕەبەکۆمەڵەکان لە وەزارەتی شەھیدان بەهەمانشێوە بە کەمتەرخەم لەو روەوە دەزانێت.
ئاماژەش بە بونی "فرت و فێڵ و خۆدزینەوەی دەزگاو فەرمانگە فیدراڵیەکان بەرامبەر بە ھەرێمی کوردستان" دەکات کە بەوتەی خۆی ھەر کارێک پەیوەندی بە ھەرێم و بە بەرژەوەندی ھەرێمی کوردستانەوە ھەبێت خۆیانی لێ دەدزنەوە یان دەیشێوێن و تێکیدەدەن و ئاڵۆزی دەکەن.
شوان کەلاری، داواش دەکات پرۆسەی پشکنینی DNA هەرچی زوە بۆ روفات و کەسوکاری ئەنفالکراوان بکرێت و بە مەراسیمی شایستە ئەو ١٧١ روفاتەی ئەنفال بۆ کوردستان بهێنرێنەوە.
- دوایین بابەتەکان
-
راپۆرتنەبەرد فوئاد بە رۆمانێکی نوێوە دەگەڕێتەوە: قەڵەم پیرۆزە و نوسین لەو پیرۆزتر
-
-
هەواڵبەڕێوبەرایەتی کارەبای گەرمیان: رۆژانە 12-13 سەعات کارەبای نیشتمانی دەدەین
-
-
هەواڵلەگەرمیان ژمارەیەک راوچی پۆلیسێک بریندار دەکەن
-
-
هەواڵپۆلیسی گەرمیان: ئەو کەسەی کە وترا خۆی کوشتوە، کوژراوە و خۆی نەکوشتوە
-
-
هەواڵبه بڕیاری داواكارى گشتى رێگه‌نادرێت شاره‌وانى كفری زه‌وی بفرۆشێت
-
زۆرترین بینراوەکان
