دەنگ نێت

 

به‌پێى وته‌ى به‌شێك له‌ هاوڵاتیان له‌ سه‌نته‌رى تیشك له‌ كه‌لار بلیتى سۆنار نابڕدرێت له‌لایه‌ن كارمه‌ندانه‌وه‌، لێپرسراوى کارگێڕیی سه‌نته‌ره‌كه‌ش هۆكاره‌كه‌ى گه‌ڕانده‌وە بۆ "بە رقا چونی" کارمەندان.

 

به‌پێى وته‌ى چه‌ند هاوڵاتیه‌ک، له‌ نێو سه‌نته‌رى تیشک له‌ كه‌لار له‌ به‌شى سۆنار بلیت بۆ هاوڵاتیان نابڕدرێت، ئه‌مه‌ش بوه‌ته‌ هۆى دروستبونى قه‌ره‌باڵخى زۆر و هاوڵاتیانى نیگه‌ران كردوه‌.

 

له‌به‌رامبه‌ردا، كاروان محه‌مه‌د، لێپرسراوى کارگێڕیی سه‌نته‌رى تیشك له‌ كه‌لار، بۆ رادیۆى ده‌نگ وتى: پێدانى بلیت به‌ هاوڵاتیان چه‌ندین ساڵه‌ له‌لایه‌ن نه‌خۆشخانه‌ى گشتى كه‌لاره‌وه‌ ده‌كرێت، ئێستا بەهۆی بە رقا چونی کارمەندانەوە بلیت بۆ سەنتەرەکەی ئێمە نابڕن.

 

رونیکردەوە: به‌ڕێوبه‌ری ئیداره‌ى نه‌خۆخشانه‌كه‌ ‌یه‌كێك له‌و كارمه‌ندانه‌ى له‌و به‌شه‌ن گواستوەتەوە بۆ به‌شێكى دیكه‌، کارمەندانی ئەو بەشەش چون به‌ رق دا و ده‌ڵێن بلیت نه‌ بۆ سه‌نته‌رى تیشكه‌كه‌ و سه‌نته‌ره‌كانى دیكه‌ش نابڕین.

 

بۆ وەرگرتنی قسەی ئەوان، رادیۆی دەنگ چەند جارێک پەیوەندی بە بەڕێوبەری نەخۆشخانەی گشتی کەلارەوە کرد، بەڵام پەیوەندییەکەی بێوەڵام بو.