دەنگ نێت

 

به‌ڕێوبه‌رى ڤێتێر‌نه‌رى گه‌رمیان جه‌خت له‌وه‌ده‌كاته‌وه‌، كه‌ بۆ ماوه‌ى 2 مانگه‌ داواى جیاكردنه‌وه‌ى لیژنه‌ى ڤێته‌رنه‌رى كردوه‌ له‌ قه‌زاى كفرى، به‌ڵام تاوه‌كو ئێستا نه‌كراوه‌. 

 

لە راپۆرتێکی یەکەی چاودێریی حکومەتی خۆجێی گەرمیان، د. عوسمان مسته‌فا، به‌ڕێوبه‌رى به‌ڕێوبه‌رایه‌تى ڤێتێرنه‌رى گه‌رمیان هێماى بۆ ئه‌وه‌كردوە: "قه‌زاى كفرى له‌ڕوی لیژنەکانی پشکنینەوە لەهه‌مو شوێنه‌كانى تر خراپتره‌ و هه‌ر ئاگامان لێى نیه‌ چى ده‌گوزه‌رێت، ته‌نانه‌ت بۆ ماوه‌ى 2 مانگه‌ داواى جیاكردنه‌وه‌ى لیژنه‌ى ڤێتێر‌نه‌ریم كردوه‌ له‌ كفرى تا ئێستاش هیچ نه‌كراوه".

 

‌وتیشی: پاساوی جیاکردنەوەی ئەو لیژنەیە ئه‌وه‌یه‌ كه‌ ئه‌ندامى ئاسایشیان نیه‌، به‌ڵام ئێمه‌ وتومانه‌ پۆلیس بێت كێشه‌مان نیه‌ كه‌چى هه‌ر نه‌كراوه‌.

 

یه‌كه‌ى چاودێرى حكومه‌تى خۆجێى گه‌رمیان ئاماژەی بەوەکردوە بۆ بەدواداچونی ئەو پرسە و پرسی لیژنەکانی پشکنین بە گشتی لە قەزاکە، په‌یوه‌ندى به‌ شه‌ماڵ نامیق، قایمقامى قه‌زاى كفریه‌وه‌ كردوە، ناوبراو ئاماده‌ نه‌بوە لێدوان بدات.