دەنگ نێت

 

بەڕێوبەری وه‌به‌رهێنانى گه‌رمیان ده‌ڵێت: له‌و زه‌ویانى ته‌نیشت چه‌مى به‌رده‌سور و گازینۆ لە کەلار، 2 پرۆژه‌ى یه‌كه‌ى نیشته‌جێبون دروست ده‌كرێت كه‌ زیاتر له‌ 700 یه‌كه‌ پێك دێن.

 

هونه‌ر مه‌حمود، به‌ڕێوبه‌رى گشتى وه‌به‌رهێنانى گه‌رمیان، بۆ رادیۆى ده‌نگ وتى: زه‌ویه‌كانى ته‌نیشتى هه‌ردو چه‌مى گازینۆ و به‌رده‌سور‌ دراون به‌ 2 كۆمپانیاى  جیاواز بۆ دروستكردنى یه‌كه‌ى نیشته‌جێبون و ره‌زامه‌ندیشیان بۆ وه‌رگیراوه‌.

 

جه‌ختى له‌وه‌شكردوه‌: مه‌رجى شاره‌وانى كه‌لار ئه‌وه‌یه‌ بۆ پێدانى ئه‌و زه‌ویانه‌ هه‌ردو كۆمپانیاکە ‌ده‌بێت ئه‌و چه‌مانه‌ هه‌ڵبواسرێن و راگری كۆنكریتیان بۆ بكرێت و كێشه‌ بۆ رێڕه‌وى ئاوه‌كه‌ى دروست نه‌كرێت.

 

هێماى بۆ ئه‌وه‌شكرد: پرۆژە‌كه‌ 2 پرۆژه‌ی جیاوازن و بۆ هه‌ر یه‌كێكیان 40 بۆ 50 دۆنم زه‌وى ده‌بێت، به‌كۆى گشتیش 700 بۆ 750 یه‌كه‌ى تێدا دروست ده‌كرێت.

 

چەمی گازینۆ و بەردەسور کە دەکەونە نێوانی گەڕەکەکانی: بەردەسور، گۆران ‘گازینۆ’ و سەرکەوتن ‘حەمەی کەریم’، رێڕەوی ئاوی باران و لافاون.