ده‌نگ نێت

 

به‌هۆی مانگرتنى كرێكارانى پاككه‌ره‌وه‌وه‌، نه‌شته‌رگه‌ری له‌ نه‌خۆشخانه‌ى گشتى كه‌لار راگیراوه‌.

 

هاوڵاتیه‌ك له‌ شاری كه‌لار، به‌ رادیۆی ده‌نگى وت: ئه‌مڕۆ كه‌ نۆره‌ى ئه‌نجامدانى نه‌شته‌رگه‌رییان هه‌بوه‌، سه‌ردانى نه‌خۆشخانه‌ى گشتى كه‌لاری كردوه‌، به‌ڵام نه‌شته‌رگه‌رییه‌كه‌یان بۆ ئه‌نجام نه‌دراوه‌ به‌هۆی مانگرتنى كرێكارانى كۆمپانیای پاككه‌ره‌وه‌.

 

لایخۆشیه‌وه‌ د. حارس محه‌مه‌د، به‌ڕێوبه‌رى نه‌خۆشخانه‌ى گشتى كه‌لار، جه‌ختى له‌ هه‌واڵه‌كه‌ كرده‌وه‌ و رایگه‌یاند: به‌هۆی ئه‌وه‌ى پاكه‌وانه‌كان مانیان گرتوه‌، بۆیه‌ نه‌توانراوه‌ هۆڵی نه‌شته‌گه‌ریی بكرێته‌وه‌، چونكه‌ هۆڵی نه‌شته‌گه‌ریی به‌رده‌وام پێویستی به‌ پاككردنه‌وه‌ هه‌یه‌.

 

كارمه‌ندانى كۆمپانیای تایبه‌ت به‌ پاككردنه‌وه‌ له‌ نه‌خۆشخانه‌كه‌، به‌هۆی خه‌رجنه‌كردنى موچه‌ى دو مانگیانه‌وه‌ ده‌ستیان به‌ مانگرتن كردوه‌.