ده‌نگ نێت

 

وتەبێژی دەستەی ژینگەی هەرێمی کوردستان ده‌ڵێت: ناوچەی گەرمیان و دەشتی هەولێر مەترسی بە بیابانبونیان لەسەرە، چاره‌سه‌ریش دروستكردنى پشتێنه‌ى سه‌وزاییه‌، ژینگه‌ى گه‌رمیانیش ده‌ڵێت: ئه‌و كاره‌ ده‌بێت به‌ڕێوبه‌رایه‌تى دارستان و پاوان ئه‌نجامى بدات.

 

وتەبێژی دەستەی ژینگه‌ى هه‌رێم، رەزا خەیلانی، به‌ ماڵپه‌ڕى روداوى وتوه‌: گەرمیان و دەشتی هەولێر مەترسی بەبیابانبونيان لەسەرە یاخود لە هێڵی بە بیابانبون نزیکن، هه‌ردوكیان ئاویان کەمە و بۆ چاره‌سه‌رى به‌ بیابانبونه‌كه‌ش پێویستیان به‌ پشتێنه‌ى سه‌وزاییه‌.

 

لایخۆشیه‌وه‌ بەڕێوبەری فەرمانگەی ژینگەی گەرمیان، دورەید سەلیم، بە رادیۆی دەنگی راگەیاند: ئەوەی جێی مەترسیە ماوەی 2 ساڵە لەسنورەکە وشکەساڵی هەیە و ئاوی سیروانیش به‌ راده‌یه‌كى به‌رچاو کەمبوەتەوه‌.

 

له‌باره‌ى دروستكردنى پشتێنه‌ى سه‌وزاییه‌وه‌، ده‌ڵێت: ئه‌و بابه‌ته‌ لەلای فەرمانگەی ژینگەی گەرمیان نیە و کارەکانی لەئەستۆی بەڕێوبەرایەتی دارستان و پاوانی گەرمیانە.