نەریتی لێبڕین کەی کۆتایی دێت

12:12AM - 2021/07/26 , بینین : 1,242

سەردەشت محەمەد

لە مانگی ٢٠١٦/٢ حکومەتی هەرێمی کوردستان بەهۆی ئەو قەیرانە داراییەی کە ڕوبەڕوی ببوەوە بڕیاری پاشەکەوت کردنی بەشێک لە مووچەی مووچەخۆرانی هەرێمی کوردستانی وەک چارەسەرێکی کاتی خستەڕوو، بڕیارەکە بەجۆرێک بوو هەرکات حکومەت توانادارایەکانی گەیشت بەئاستی پێویست ئەوا بڕیاری پاشەکەوت کردن هەڵدەوەشێننەوە، لەئێستادا و دوای تێپەڕبونی شەش ساڵ بەسەر ئەو بڕیارەدا حکومەتی هەرێمی کوردستان مژدەی ئەوەی بە مووچەخۆران و خەڵکی هەرێمی کوردستاندا کە لەم مانگەوە مووچە بەبێ لێبڕین بەسەر مووچەخۆراندا دابەش دەکرێت، سەرۆکی حکومەت ئەوەشی ڕاگەیاند: هەتاوەکو بەغداد ئامادەبێت ئەو بڕە بودجەیەی کە وەک پشکی هەرێمی کووردستان دیاری کراوە ڕەوانەبکات ئەوا مووچە بەبێ لێبڕین دابەشدەکرێت، مەترسیی پشت ئەو لێدوانەی سەرۆکی حکومەتی هەرێم لێرەدایە، کە سەرەڕایی ئەوەی هەرێم لەڕێگەی فرۆشتنی نەوت و داهاتی خاڵەسنورییەکان و باج و ڕسومات و سەرچاوەکانی دیکەی داهاتەوە کە مانگانە دەچێتە خەزێنەی حکومەتەوە ناتوانێت دڵنیایی ئەوە بەخەڵک و مووچە خۆرانی کوردستان بدات کەئیدی جارێکی دیکە شتێک نابیستنەوە بەناوی بڕیاری پاشکەوت کردن و لێبڕینی مووچەوە، بەڵکو خەڵکی دەخەنە دۆخێکی دەرونی ناجێگیرە و بەغداش بەهۆکاری ئەودۆخە نەخوازراوە دەزانن کە ئەگەرهاتوو لەداهاتودا بییەوێت جارێکی دیکە هەرێم ناچاردەکاتەوە بەوەی کە بڕیاری لێبڕین دەربکاتەوە، ئەمە لەکاتێکدایە شارەزایانی ئابوریی ئاماژە بەوەدەکەن هەرێم ئەگەر بییەوێت ئەوا دەتوانێت تەنها لەڕێگەی داهاتی ناوخۆوە سەرجەم گرفتەدارایەکانی چارەسەربکات بەبێ ئەوەی چاوەڕوانی ناردنی بەشەبودجەبێت لەلایەن بەغدادەوە،ئەویش لەڕێگەی دەستپێکرن و جێبەجێکردنی پرۆسەی چاک سازیی ڕاستەقینەوە، کە هەموان دەزانین کاتێک کابینەی نۆیەمی حکومەتی هەرێمی کوردستان لە ڕێکەوتی ٢٠١٩/٧/١٠ متمانەیان پێبەخشرا بڕیاربوو چاکسازی وەک پرسێکی سەرەکی کاری لەسەربکرێت، بەڵام دوای تێپەڕبونی سێ ساڵ بەسەر وادەی دەست بەکاربونی کابینەی نۆیەمدا نەک هەرهەنگاوەکانی چاکسازی دەستی پێنەکردوەو ڕێگاکان لە بەهەدەردان و بەتاڵانبردنی سەروەت و سامانی کورستان دانەخراون، بەڵکو بەپێچەوانەوە ڕێگای نوێ بۆ

بە تاڵان بردنی داهاتی کوردستان کراونەتەوە، هەر ئەمەشە وادەکات سەرۆکی حکومەت نەتوانێت دڵنیایی بە هاوڵاتیانی کوردستان بدات و دڵنیایان بکاتەوە لەوەی کە جارێکی دیکە گوێبیستی ووشەی پاشەکەوت کردن و لێبڕینی مووچە نابەنەوە، سەرۆکی حکومەت بەو وتانەی ئێمەی دڵنیاکردەوە کە لێبڕین و پاشەکەوت کردن بووە بەنەریتێک و هەرکات ناکۆکیەکانی نێوان هەرێم و بەغداد سەریان هەڵدایەوە ئەوا لێبڕین دەست پێدەکاتەوە و ئەوکات بەغداد تاوانبارە نەک هەرێم.

دوایین بابەتەکان

راپۆرت

لە وێنەکێشان لەسەر دیواری ماڵەوە بۆ خەونی گۆڕینی ئەنیمى بۆ پیشەیەک