رادیۆی ده‌نگ
یه‌كه‌ى چاودێری حكومه‌تى خۆجێی گه‌رمیانى سه‌ر به رادیۆی ده‌نگ، گفتوگۆیه‌كى بۆ به‌رپرسانى نه‌خۆشخانه‌ى شه‌هید شێره‌ى نه‌قیب بۆ ژنان و مناڵبون له‌كه‌لار و ژماره‌یه‌ك چالاكوان و رۆژنامه‌نوسی سنوره‌كه رێكخست.
ئه‌م گفتوگۆیه دوێنێ چوارشه‌مه 28/11/2018، له‌چوارچێوه‌ى پرۆژه‌ى چاودێریكردنى كه‌رته‌كانى په‌روه‌رده و ته‌ندروستى دا بو كه رادیۆی ده‌نگ به پاڵپشتی سندوقی نیشتمانى بۆ دیموكراسی NEDى ئه‌مریكی له‌رێگه‌ى یه‌كه‌ى چاودێریكردنى حكومه‌تى خۆجێی گه‌رمیانه‌وه ئه‌نجامى ده‌دات، له‌میانه‌ى دا به‌رپرسانى نه‌خۆشخانه‌كه ئاماژه‌یان به خزمه‌تگوزاریه‌كان و ئاستى ئه‌و خزمه‌تگوزاریانه و كێشه‌و گرفته‌كانیان كرد.
ئاماژه‌یان به‌وه‌كرد كه سه‌رباری ئه‌وه‌ى له‌زۆر روه‌وه كێشه‌و گرفتیان هه‌یه، به‌ڵام هاوشانى ئه‌وه‌ش زۆر خزمه‌تگوزاریی به‌رده‌وامه له‌نه‌خۆشخانه‌كه.
له‌لایه‌كى تریشه‌وه چالاكوانان و رۆژنامه‌نوسانى به‌شداری گفتوگۆكه، هه‌ریه‌كه و سه‌رنج و پرسیار و تێبینی خۆی خسته‌ڕو و تاوتوێی ئه‌و گرفتانه‌یان كرد.
بڕیاره یه‌كه‌ى ناوبراو له‌چوارچێوه‌ى هه‌مان پرۆژه‌دا، حه‌وت گفتوگۆی دیكه له بواره‌كانى ته‌ندروستى و په‌روه‌رده ئه‌نجام بدات، ئه‌مه سه‌رباری ئه‌وه‌ى یه‌كه‌كه مانگانه دو راپۆرت بۆ به‌دواداچونى كێشه و گرفته‌كانى هه‌ردو كه‌رت بڵاوده‌كاته‌وه‌و تائێستاش 26 راپۆرتى بڵاو كردوه‌ته‌وه (بۆ بینین و خوێندنه‌وه‌ى راپۆرته‌كان كلیك بكه) سه‌رباری ئه‌نجامدانى چالاكی دیكه‌ى هۆشیاریی و به‌رنامه‌ى رادیۆیی.
- دوایین بابەتەکان
-
وتارهەنگاوێکی تر بەڕێی هەڵوەشاندنەوەی هەرێم دا: حکومەتی عیراق کوڵەجۆی خستە سەر قەرەتەپە!
-
-
هەواڵ2 رۆژ ماوە بۆ پڕکردنەوەی فۆرمی ئۆنلاینی خۆراک و هاوڵاتییەکی زۆری گەرمیان خۆیان تۆمار نەکردوە
-
-
هەواڵزانیاریی نوێ لەبارەی ئەو درۆنەی لە گەرمیان کەوتەخوارەوە
-
-
هەواڵبۆ ساڵی نوێ 5 بەشی نوێ لە زانکۆی گەرمیان دەکرێتەوە
-
-
هەواڵحکومەتی عێراق قەرەتەپە دەکاتە قەزا و ناحیەی کۆکسیشی دەخاتە سەر
-
زۆرترین بینراوەکان
