دوای ئەوەی کۆمپانیای ئایندەی بامۆک سێ خانو لەنێو شوێنی یەکەی چارەسەری ئاوی قورسی پرۆژەی بان سیتی لە کەلار دروستکرد و فرۆشتی بەهاوڵاتیان، وەبەرهێنانی گەرمیان دەڵێت: بە فەرمانی ئێمە تێکدراون و قەرەبوی کڕیارەکانیش کراوەتەوە.

هونەر مەحمود، بەڕێوبەری گشتی وەبەرهێانی گەرمیان، بۆ رادیۆی دەنگ وتی: لە سایت پلانی پرۆژەی بان سیتی ،سێ خانو هەبو کە بەر شوێنی چارەسەری ئاوی قورس کەوتبو، بەڵام فرۆشتبویان بە کڕیارەکانیان.

وتیشی: پێمان لابردن و دواتر قەرەبوی کڕیارەکانیان کردەوە.

پرۆژەی بان سیتی، یەکێکە لە پرۆژە تەواوکراوەکانی نیشتەجێبون لە کەلار، بەڵام ئاوەڕۆکەی نە پەیوەست کراوە بە ئاوەڕۆی سەرەکی کەلار و نە یەکەی چارەسەریشی بۆ دروستکراوە، هەربۆیە ئاوەڕۆکەی لە نزیک پرۆژەکەدا لە چاڵی گەورەدا کۆکراوەتەوە.

بڕیاربو لە فراوانکردنی پرۆژەکەدا یەکەی چارەسەری ئاوەڕۆ دروستبکرێت، بەڵام پرۆژەکە فراوانکرا و تائێستاش یەکەکە دروستنەکراوە.