رادیۆی دەنگ

بەڕێوبەرایەتی چاودێریی بازرگانی گەرمیان هۆشداریی دەدات لە کەمکردنەوەی گونکی سەمون یان گرانکردنی نرخەکەی بەکاریگەریی بەرزبونەوەی نرخەوە، دەشڵێت: ئیجرائات دەکەین.

حیکمەت ئەحمەد، بەڕێوەبەری بەڕێوبەرایەتی چاودێریی بازرگانی گەرمیان، بۆ رادیۆی دەنگ وتی: هیچ سەمونخانە و نانەواخانەیەک نابێت بەبێ ئاگاداری ئێمە نرخی سەمون زیاد بکات یاخود بڕی سەمون کەم بکاتەوە یان گونکی هەویر بچوک بکاتەوە.

دەشڵێت: لیژنەکانمان بەبەردەوامی چاودێریی دەکەن و بەدواداچونی جدیمان دەبێت بۆ ئەو بابەتە و ئیجرائاتی خۆمان دەکەین.

ئەمەش لەکاتێکدایە کاسبکاران باس لەوەدەکەن بەکاریگەریی شەڕی ئێران نرخ بە گشتی بەرزبوەتەوە، هاوکات بەهۆی قەیرانی غازیشەوە کێشە بۆ نانەواخانە و فڕنەکانی سەمون دروست بوبو.