رادیۆی ده‌نگ

یه‌كه‌ى چاودێریی حكومه‌تى خۆجێی گه‌رمیان و به‌ڕێوبه‌ری گشتى په‌روه‌رده‌ى گه‌رمیان، تاوتوێی پته‌وكردنى په‌یوه‌ندییه‌كیان و بره‌ودان به‌ پرۆسه‌ى چاودێریی حكومه‌ت له‌لایه‌ن كۆمه‌ڵی مه‌ده‌نییه‌وه‌ ده‌كه‌ن.

سه‌رله‌به‌یانى ئه‌مڕۆ، ئه‌ندامانى یه‌كه‌ى چاودێریی حكومه‌تى خۆجێی گه‌رمیان، سه‌ردانى به‌ڕێوبه‌رایه‌تى گشتى په‌روه‌رده‌ى گه‌رمیانیان كرد و له‌گه‌ڵ م. محه‌مه‌د ئه‌حمه‌د، به‌ڕێوبه‌رى گشتى په‌روه‌رده‌ى گه‌رمیان كۆبونه‌وه‌. له‌سه‌ره‌تاوه‌ ئه‌ندامانى یه‌كه‌كه‌ پیرۆزبایی ده‌ستبه‌كاربونیان له‌ به‌ڕێوبه‌رى گشتى كرد، پاشان تیشكیانخسته‌ سه‌ر یه‌كه‌كه‌ و ناساندنى ئه‌رك و كاره‌كانى.

لایخۆشییه‌وه‌ به‌ڕێوبه‌رى گشتى پێشوازیی له‌ ئه‌ندامانى یه‌كه‌كه‌ و كاره‌كانى یه‌كه‌كه‌ش كرد، جه‌ختیكرده‌وه‌ له‌وه‌ى دروستكردنى په‌یوه‌ندییه‌كى پته‌و له‌گه‌ڵ چالاكوان و كۆمه‌ڵی مه‌ده‌نی، له‌و پرسانه‌یه‌ كه‌ گرنگى ته‌واوه‌تى پێده‌دات.

هه‌روه‌ك به‌ڕێوبه‌رى گشتى په‌روه‌رده‌ى گه‌رمیان، ئاماده‌یی خۆیشی بۆ به‌شداریی له‌ چالاكییه‌كانى یه‌كه‌كه‌ پیشاندا.