رادیۆی دەنگ

 

ناوه‌ندى رێكخراوه‌كانى گه‌رمیانی یه‌كێتى هه‌ڵوه‌شاوه‌ته‌وه‌ و وته‌بێژى مه‌ڵبه‌ندى گه‌رمیانى ئه‌و حزبه‌ش ده‌ڵێت: هه‌ڵوه‌شاندنه‌وه‌كه‌ كاتییە‌ و گۆڕانكاریی ده‌كرێت.

 

عه‌لى ده‌روێش، وته‌بێژى مه‌ڵبه‌ندى گه‌رمیانى یه‌كێتى نیشتمانی کوردستان، بۆ رادیۆى ده‌نگ وتى: له‌ ئێستادا هه‌ندێك له‌ ئۆرگانه‌كانمان گۆڕانكارییان به‌سه‌ردا هاتوه‌ و رۆڵى خۆیان ناگێڕن و كارى خۆیان ناكه‌ن.

 

وتیشى: یه‌كێتى ده‌یه‌وێ په‌یكه‌رى رێكخراوه‌یی خۆى رێكبخاته‌وه‌، هەربۆیە هه‌مو ئۆرگانه‌كانى وه‌ك ناوه‌ندى رێكخراوه‌كان و ناوه‌نده‌كانى تریش كاره‌كانیان ده‌وه‌ستن.

 

ده‌شڵێت: ئه‌مه‌ش بۆ ماوه‌یه‌كى كاتییە‌ و دواى ماوه‌یه‌كى تر به‌ میكانیزم و شێوه‌یه‌كى تر ده‌ست به‌ كاره‌كانى خۆیان ده‌كه‌نه‌وه‌.