رادیۆی ده‌نگ

 

له‌میانه‌ى چالاكییه‌كدا، له‌باره‌ى پرسی روماڵی تاوان و توندوتیژییه‌وه‌، رۆژنامه‌نوسانى گه‌رمیان گفتوگۆیان كرد.

 

چالاكییه‌كه‌، یه‌كه‌ى رۆژنامه‌وانى مافه‌كانى مرۆڤ له‌ رادیۆی ده‌نگ پێیهه‌ستابو، له‌چوارچێوه‌ى پرۆژه‌یه‌كى رادیۆكه‌دا به‌ پاڵپشتی سندوقی نیشتمانى بۆ دیموكراسی، تیایدا 15 رۆژنامه‌نوس له‌ ده‌زگا و كه‌ناڵه‌ جیاوازه‌كانه‌وه‌ به‌شدارییان تێدا كردبو.

 

له‌ راهێنانه‌كه‌دا كه‌ له‌لایه‌ن م. ده‌شتى عه‌لی- خوێندكارى دكتۆرا له‌ راگه‌یاندن پێشكه‌شكرا، ئاماژه‌ به‌ بنه‌ما ئیتییه‌كانى روماڵی تاوان و توندوتیژیی له‌ میدیادا كرا، ئه‌ویش به‌پشت به‌ستن به‌ بنه‌ما پیشه‌ییه‌ رۆژنامه‌وانییه‌كان.

 

پاشان له‌لایه‌ن به‌شدارانه‌وه‌، سه‌رنج و تێبینی جۆراوجۆر خرایه‌ڕو و دواتر گفتوگۆیه‌كى به‌رهه‌مدار له‌مباره‌یه‌وه‌ ئه‌نجام درا.