دەنگ نێت

 

به‌هۆی كێشه‌ى نه‌بونى پاره‌وه‌، كۆمپانیاكان پرۆژه‌كانى سنورى گه‌رمیان وه‌رناگرن، ئیدارەی گەرمیانیش ئەوەدەخاتەڕو کە نزیکەی ١٠ پرۆژەیان بەوهۆیەوە نەچونەتە بواری جێبەجێکردنەوە.

 

چۆمان ئەحمەد، لێپرسراوی بەشی راگەیاندن و پەیوەندییەکانی ئیدارەی گەرمیان، بە رادیۆی دەنگی وت: تەنها لەمساڵدا زیاتر لە ١٠ پڕۆژەمان هەیە کە بانگەوازی بۆ کراوە و لەلایەن کۆمپانیاکانەوە وەرنەگیراون، بۆیە جاری دوەم بانگەوازمان بۆ کردونەتەوە.

 

ئەوەشی خستەڕو: پڕۆژە وەرنەگیراوەکان لەسێکتەرەکانی: پەروەردە، تەندروستی، ئاو و کارەبا دان.

 

ئەو گرفتەشی گەڕاندەوە بۆ نەبون و کەمی پارەی نەختینە لەبانکدا.

 

لایخۆشیەوە، نه‌وزاد حه‌مید، به‌ڕێوبه‌رى ئاوی ده‌وروبه‌رى گه‌رمیان، کە چەند پرۆژەیەکیان هەبوە و لەلایەن کۆمپانیاکانەوە وەرنەگیراونەتەوە، به‌ رادیۆی ده‌نگى وت: دواى ئه‌وه‌ى كه‌س ئه‌و پرۆژانه‌ى وه‌رنه‌گرتوه‌، داوامان كردوه‌ خۆمان پرۆژەکا  به‌ جێبه‌جێكردنى راسته‌وخۆ "تنفیذ مباشر" ‌ ئه‌نجام بده‌ین، بەڵام هێشتا ره‌زامه‌ندییان بۆ نه‌هاتوه‌ته‌وه‌.