دەنگ نێت

 

سەرۆکی ژوری بازرگانی و پیشەسازی سلێمانی دەڵێت: بارزگانان هێنانی باری ترانزێتیان لە دەروازەی پەروێزخانەوە راگرتوە و  دەروازەکانی سەر بە حکومەتی عێراق بوە بە جێگرەوەی پەروێزخان.

 

سیروان محەمەد، سەرۆکی ژوری بارزگانی و پیشەسازی سلێمانی، لەمیانەی بەرنامەیەکی رادیۆی دەنگدا باسی لەوە کرد؛ حکومەتی هەرێم بارگرانی لەسەر بازرگانان لە دەروازەی پەروێزخان دروستکردوە لە بابەتی گومرکی کاڵاکانیان و چەندین شتی دیکە، ئەمەش وایکردوە بازرگانەکان رو لە دەروازەکانی عێراق بکەن بۆ گواستنەوەی بارەکانیان، چونکە ئەو بڕە پارەیەی لەوێ لێیان وەردەگیرێت، کەمترە.

 

دەشڵێت: دەتوانم بڵێم ئێستا هیچ بارێکی ترانزێت لە دەروازەی پەروێزخانەوە نایەت، بازرگانەکان بەتەواویی رویان لە دەروازەکانی ژێر دەستی حکومەتی عێراقی کردوە.

 

دەروازەی پەروێزخان یەکێکە لە ٥ دەروازە سەرەکیەکانی هەرێم بۆ ئاڵوگۆڕی بازرگانی لە گەڵ ئێراندا، بەشێکی زۆر لە بازرگانان بەهۆی وەرگرتنی باج و رەسمێکی زۆرەوە لە نێو دەروازەکەدا بەناوی جۆراوجۆرەوە، ئاڵوگۆڕی بازرگانیی رۆژانەیان گواستوەتەوە بۆ دەروازەکانی ژێر دەستی حکومەتی عێراقی، لەوانەش: مونزریە، چونکە لەوێ باج و رەسم لەسەریان کەمە.