ده‌نگ نێت

 

سه‌رۆكى لقی گه‌رمیانى یه‌كێتى مامۆستایان ده‌ڵێت: ئه‌و به‌ڵێنده‌ره‌ى ده‌روازه‌ى بیناكه‌ى روخاندون، داواى لێبوردنى كردوه‌ و بینایه‌كیشیان بۆ ماوه‌ى ساڵێك بۆ به‌كرێ ده‌گرێت.

 

م. ئازاد حه‌سه‌ن، به‌ رادیۆی ده‌نگى وت: له‌ ئیداره‌ى گه‌رمیان كۆبونه‌وه‌مان كردوه‌ و تیایدا ئه‌و به‌ڵێنده‌ره‌ى كه‌ هه‌ستا به‌ روخاندنى دیوارى سه‌ره‌كی باره‌گاكه‌یان، داواى لێبوردنى لێكردون و وتویه‌تى كه‌ به‌ نائه‌نقه‌ست و هه‌ڵه‌تێگه‌یشتن ئه‌و كاره‌ى كردوه‌.

 

وتیشی: هاوكات به‌ڵێنده‌ره‌كه‌ له‌ناوبازاڕى كه‌لار بینایه‌كى بۆ یه‌كێتى مامۆستایان به‌كرێگرتوه‌ و پاره‌ى كرێی ساڵێكى بیناكه‌ ده‌دات.

 

به‌وته‌ى سه‌رۆكى لقی گه‌رمیانى یه‌كێتى مامۆستایان، حكومه‌تیش بڕیاریداوه‌ له‌ داهاتودا پارچه‌ زه‌ویه‌كیان بۆ دیاریی بكات بۆ ئه‌وه‌ى بینای له‌سه‌ر دروست بكه‌ن.