دەنگ نێت

 

سەرباری ئەوەی وەزارەتی دارایی رەزامەندی داوە بەخەرجکردنی ٦ دەرماڵەی خوێندکارانی زانکۆی گەرمیان، بەڵام سەرۆکی زانکۆکە ئاشکرای دەکات هێشتا هیچیان بۆ خەرج نەکراوە.

 

رۆژی ١٤ـی حوزەیرانی ٢٠٢٣، وەزارەتی دارایی هەرێم بڕیاریدا بە خەرجکردنی ٦ دەرماڵە بۆ خوێندکارانی زانکۆی گەرمیان کە سێ مانگی پارساڵ و سێ مانگی سەرەتای ئەمساڵ دەگرێتەوە.

 

لەبارەی خەرجکردنی دەرماڵەکەوە، سەرۆکی زانکۆی گەرمیان، د. فەرهاد قادر، بە رادیۆی دەنگی وت: بۆ خەرجکردنی دەرماڵەکان ٢ چەکمان ئاڕاستەی بانکی گەرمیان کردوە، بەڵام هیشتا هیچ بڕە پارەیەکمان بۆ خەرج نەکراوە.

 

رادیۆی دەنگ بۆ زانینی هۆکاری خەرجنەکردنی چەکەکان، پەیوەندی بە بەڕێوبەری بانکی گەرمیانەوە کرد، بەڵام پەیوەندیەکەی بێ وەڵام بو.